فالليل التيليفون كيطلق الأشعة الزرقاء، و هادشي يقدر يسبب ليك أضرار للعين ديالك و تقدر تبقى تدمع ليك عينيك حيت مغتحملش قوة الأشعة الزرقاء، و هادشي علاش خاصك تدخل عندك تطبيق Twilight، لي كيحيد دوك الأشعة الزرقاء و كيبقى على أضواء مريحة للعين.
و حاجة أخرى فاش تبغي تخدم بالتيليفون أو البيسي شعل الضو، متخدمش بيهم فبيت مظلم حيت هكذا كتزيد تضرر عينيك، و بهاد الطريقة كتنقص الضغط على العين، و فاش تلقى تليفونك وصل فالشارج قل من 20% ماتبقاش مزال تطل عليه، حيت تايطلق أشعة كتضر العينين، و حاول ما أمكن ماتخدمش بالتليفون و هو كيتشارجى، ماشي غير الباتري لي غياكل الدق، و إنما غيضرك راسك و هادشي تيأثر على الدماغ بسباب الأشعة لي كتطلق بهاد العملية، و فاش تسالي منو بالليل من الأحسن طفيه و بعدو عليك.
بدا كل 10 الدقايق تريح عينين ديالك من التيليفون، خود Break، حيت راه تياكلو الدق المعلم و بالمزيان، مع كل مدة بقا تغسل وجهك بالما البارد، هادشي كامل إلا معندكش نظارات واقية من الأشعة الزرقاء، و غتكون فكرة ذكية تشريهم ملي تجيك الفرصة.
بارطاجي معاك إلا عجبك و شكرا ❤️
يلاه دوزو بخير 👋
Aucun commentaire:
Enregistrer un commentaire