واش ‏فايت ‏وقع ‏ليك ‏هاد ‏لبلان

هاد الحالة كتوقع فاش كيخرجو الفلوس وكتعطّل باش تجبدهم، هوما أوطوماتيكيا كيرجعو للگيشي وكيتسد الحاجز.. 

مول الصورة وقع ليه هاد البلان، حيت مع تعطّل عليها وشافها غترجع شدها ولكن تسد عليها الحاجز..

إلا كانت الوكالة مفتوحة، غادي تدخل يقادو لك المشكل، حيت غالبا غادي تكون تحيدات من الحساب..

وإلى كانت مسدودة حاول تجبدها بشوي، مابغاتش وبانت ليك غاتزيد تقطّع حاول تخرج شي 100 درهم أخرى، وإلى ماكانش عندك الرصيد شوف شي حد بغا يخرج فلوسو وشرح ليه المشكل ومع يتحل الحاجز جبد هادي المقطعة وشد اللي غتخرج جديدة..

أما إلا مابغاوش باقي يخرجو الفلوس، واخا عاودتي العملية مرارا وتكرارا.. حاول ما أمكن تحيد لي بقا فهاديك 100 درهم المقطعة ورجع للوكالة ملي تفتح الأبواب ديالها.. 

كن أكيد غادي يبدلوها لك بوحدة جديدة.. 

وماتنساش تراقب حسابك ديما، وخبر الوكالة لي وقع فيها المشكل على هادشي..

تحياتي..