اجي ‏نقول ‏ليك ‏واحد ‏الحاجة

بزاف ديال الناس ملي كيمشيو للوكالة البنكية و كيديرو إيداع مالي فالحساب ديالهم (versement) و الي هي عملية مجانية يعني ماغادي تخلص عليها والو للبنك  ، كتلقا بعد مدة انه الحساب ديالك نقص فيه درهم واحد أولا عدة دراهم على حساب شحال من إيداع درتي فالشهر..

السؤال لي كيسولو بزاف هو ديالاش هاد الدراهم ؟

الى خديتي التوصيل الي تسلمتي من البنك بعد الإيداع و قريتيه مزيان غادي تبان ليك جملة droit de timbre payé sur état.. و هادي يا سيدي كتعني أنك كتخلص واحد الضريبة للدولة عبارة عن درهم واحد لكل إيداع مالي كتقوم بيه فالحساب ديالك..

بحالها بحال التمبر ديال 300 درهم الي كتخلص على الباسبور أو 75 درهم ديال البطاقة الوطنية، كلها ضرائب تدفع للدولة..

و طبعا هاد الإقتطاع ممكن يكون مفرق على حسب كل إيداع مالي أو يجمعوها ليك لنهاية الشهر يعني كمثال دفعتي الفلوس فالحساب ديالك 5 مرات غادي تلقا فآخر الشهر إقتطاع ديال 5 دراهم...

إلى كنتي أول مرة تسمع بهاد المعلومة متنساش تشاركها مع صحابك و تخلي لينا تعليق..

تحياتي..