ATM skimmers ‎شنو ‏هو

الATM Skimmers هوما اجهزة كيتشراو ولا كيتصاوبو باليد، الهدف منهوم سرقة  المعلومات البنكية (رقم ديال credit card وال pin ديالها لي كتكون عارفو بوحدك)..

كاين جوج انواع ديال Skimmers :

ال Card Reader و الpin logger (ولا فبعض لحالات pinhole camera )

واخا لاش كيصلاح كل واحد ؟

داكشي لخضر فالصورة هو ال Card Reader واللي المهمة ديالو قرائة وحفض credit card number 

اما ديك اللعيبة الطويلة فراها كاميرة كتسجل الكود ديال البطاقة ديالك لي كاتابيه

فبعض الاحيان الاتاكر كيدير كلافي مزورة فبلاصت كاميرة داك الكلافي كتسجل كاع داكشي لي كتكتب.

السيناريو:

بعدما تتقادو ولا تتشراو هاد سكيمرز كما قلنا لفوق . الشخص لي عندو الغرض فادشي كيقصد الكيشي فشي ساعة ميشوفو فيها حتا واحد كيلصق Card Reader والكلافي المزورة  مزيان باش ميبانوش معيقين ولا كيدير ثقب خفيف فشي قنت كيبان فيه الكيبورد في حالة كانت عندو ال pinhole camera. وهاد شي كامل إما يديرلو كارط ميموار ولا يستقبل النتيجة عبر ايميل..

بعدما يجمع وحد القدر من ارقام الكارطات و الاكواد ديالهم كيجيب كارطات خاويين وكيطبع فيهم دوك المعلومات باستخدام  MSR-X6 reader/writer هاكدا غيكون عندو نسخة من كاع دوك البطاقات، كيمشي لاي كيشي كيدير الكارط وكيطابي الكود ديالك وها رزقك مشا بكل رجولة.

كيفاش نحمي راسي ؟ 

قبل متدخل البطاقة ديالك فاي كيشي تاكد ميكونش شي تقب لفوق ولا فجنب فشكل , هز ديك لعيبة خضرة مزيان محاولا تقلعها (متخافش تخصرها راه لي مقادة من عند الشركة مغتزعزعش)، ورك علا الكلافي الا لقيتها كتزعزع فراها مزورة..

دامت اموالكم بألف بخير.

ATM skimmers B'khtissar | Saad bakkali.