هاي🌝انعطيك واحد الطريقة تقدر تزرع بيها الشجر وسط دارك، أواه شجر فالدار؟ ‏🤔

,

ايه اسيدي هاد الشجر لي زوين فيه أنه ماكيطوالش يعني ممكن تغرسو وسط دارك و فنفس الوقت كيعطي ثمار زوينين🍎🍋🍇

كياخدو البذور ديال الحامض مثلا و كيديروهم فكلينيكس و كيرشوهم شوية بالماء باش يرطابو، كيديروهم وسط شي توب ديال النيلو و كيسدو عليهم تما 3 ديال السيمانات حتى كيبداو ينبتو ليهم الجذور عاد كيحولوهم للتراب و كيبقاو هكاك شي 3 اشهر و كيخّرجو النبتة كاملة كيقطعو ليها الجذور كلهم و كيخليو جذر واحد صافي و كيرجعوها للتراب (هاد العملية ماكتخليش النبتة تمص الغذاء بزاف) و كيبقاو مقابلينها و هي كتنوض مرة مرة كيحيدو ليها الزوائد باش يتحكمو فيها، و هكا كتبقا الشجرة قصيرة ماكتفوتش 1متر فالطول ديالها، ولكن كتعطي حامض زوين و كبير كبر گاع من الحامض لي كيكون فالشجر العادي حيت الغذاء كيمشي للحامضة كتر ماكيمشي للشجرة (شوفو التعليقات)

هاد الطريقة كتصدق فأي نوع ديال الخضرة ولا الفواكه بغيتي تغرسو، يلاه اشريف بدا ليا المزرعة ديالك😉

منقول من صفحة : Information بالدارجة