النكاح في الجاهلية : موضوع يخلي ذماغك يحبس ‏😳🔞

 

نهاركم مبروك

،

المقال فيه شي تويشيات كاعما متاحة للجميع 13+

💍نكاح الاستبضاع : كانت المرأة كتمشي دير علاقة جنسية مع رجل آخر باش تحمل منو بولد فقط و طبعا بموافقة من زوجها بحيث هوا اللي كيقول ليها سيري عند فلان فاستبضعي منه ❕او فأغلبية الحالات كيكرن الزوج عقيم 

💍نكاح المضامدة : يعني ان تتزوج المرأة برجلين او ثلاثة بحثا عن الغنى او الاكل و الشرب ط خصوصا في أوقات القحط، او كانوا العرب في الجاهلية كيعتبروا هاد الزواج خيانة من المرأة و ما كانش مستحب واخا منتشر

💍 زراج المتعة : يعني ان الرجل كيتزوج بشي امرأة مؤقتا باش يغذي الشهوة ديالوا او كيطلقها عن تراضي بين الطرفين

💍 نكاح المخادنة : قبل مجيء الإسلام كان ممكن للمرأة يكون عندها حبيب اخر غير زوجها او كتكون العلاقة بيناتهم مقتصرة على القبل و الاحضان و على حسب ما قريت ان المخادنة لا تصل إلى العلاقة الكاملة...

بعد ظهور الإسلام حرم الله تعالى هاد القضية بقوله جل و علا في كتابه العزيز : " و لا متخذات اخدان"

💍نكاح المقت : كان لا مات شي راجل كيتزوج ولدوا الكبير من زوجة الاب ديالوا و كأنه كيورثها و حتى انه عندو الحق يمنعها من الزواج حتى تموت او يزوجها لواحد من خوتوا مقابل مهر جديد و اذا بغات هاد سيدة تفك منو خاصها تدفع ليه شي فدية باش يخليها تمشي تعيش حياتها.

بعد ظهور الإسلام تحرم هاد الزواج، قال تعالى : " و لا تنكحوا ما نكح آبائكم من النساء إلا ما قد سلف إنه كان فاحشة و مقتا و ساء سبيلا "

💍نكاح البدل : اذا تم أسر شخص يمكن ليه يعطي ختو او بنتو بدون مهر او صداق ل الأسير مقابل انه يطلق سراحوا

💍نكاح المساهاة : كيتفقو 2 رجال عن طيب خاطر على تبادل زوجاتهم بيناتهم يعني كل واحد كياخد زوجة الآخر و يستمتع بيها

💍نكاح الشغار : يعني ان الرجل كيزوج بنتو او ختو لرجل آخر مقابل يزوجو لختو او بنتو حتى هو بدون مهر او صداق

💍نكاح الرهط : فهاد نوع من الزواج كيجتمعوا 10 الرجال مثلا او كتزوجوا امرأة وحدة و كيتستمتعوا بيها كلهم و فاش كتحمل و تولد كتجمعهم كاملين او كتنسب الولد لأي واحد بغات هي، و حتى واحد فيهم ما عندوا الحق يعتارض

💍زواج السبي : ملي كانوا كيهجموا على شي قبيلة او كينتاصروا ، كياخذوا الغنائم من مال و متاع، او حتى النساء كياخذوهم او يغت_اصب_وهم او يردوهم مجرد جواري ليهم

📌هاد الموضوع ملي لقيتوا خلاني نحمد الله على نعمة الإسلام اللي حرم كاع هادشي من بعد ما جاء او رد للمرأة العز ديالها 💙