تعلم ‏أسرار ‏فايسبوك ‏ادس ‏بكل ‏احترافية ‏و ‏بساطة

دراري لي بادين فيسبوك_ادس ❣️❣️💯

✅ فاش كتبغي تطلق اي حملة اعلانية في فيسبوك او انستغرام تيطلع ليك بحال هاكا ‼ اشنو كتختار وعلاش ؟؟

⛔ قرا حتى لخر باش تفهم #فيسبوك_ادس هاذي في حد ذاتها دورة 

✳ فيسبوك مقسم les objectifs de campagne لثلاثة الأجزاء  👌 

✴ الجزء الأول sensibilisation  لي كيتكون من :

1.Notoriété de la marque 

2.Couverture 

✴ الجزء الثاني considération  لي فيها :

1.Traffic 

2.Interactions 

3.Installations d'apps

4.Vues de vidéos 

5.Génération de prospects 

6.Messages 

✴ الجزء الثالت conversion ولي فيها :

1.Conversions

2.Ventes catalogue

3.Trafic en point de vente

👈 اجي دابا نعرفو كل وحدة واشنو الاختيار ديالها وعلاش كنختاروها 🤏 تبع معايا وحل عقلك مزيان  

#الجزء_الاول هذاك كنختاروه ملي كنبغيو الناس اعرفونا اعرفو بلي كاينة واحد العلامة تجارية سميتها x كتبيع x كتحل المشكل x  وراه كتقدم واحد الخدمة او منتج x ... هنا تيوكونو الاعلانات ديالنا الهدف ديالهم غير اطلعو عند الناس اشوفوهم وكيبقا الاعلان كيتكرر نفس الاعلان تيشوفو الشخص شحال من مرة باش كيلصق في الذهن ديالو فين مكيدخل فيسبوك تيبان ليه بحال اتصالات انوي ....وهتذشي كنشوفوه حتى في التسويق التقليدي بعد المرات كتكون غادي في شي مدينة كبيرة في شي شارع وكتلقا اشهارات ديال #داسيا ولا #رونو  ولا #الضحى نفس الاشهار كيتكرر فين ممشيتي كتشوفو غير هو هما كيتعمدو هاذيك الاستراتيجية وكيكون مكتوب بواحد الطريقة تسويقية ممتازة داخل فيها علم النفس العصبي والتسويقي والاجتماعي والثقافي ...... هنا باش تعرف علاش الماركوتينغ . ...... في هاذ الجزء الاول غير باش كنتعرفو ونبانو لناس بزااف ومفس لبلان كينطابق على فيسبوك ادس

#الجزء_الثاني الاهتمام والتواصل هنا كتبدا تبني جمهور تهدر مع الناس community   التفاعل مع الناس كتبدا تجمع الداتا كتعرف شكون الناس ديالك كتدرس ديك المعطيات لمن خلال التعليقات لمن خلال الرسائل لمن خلال تحليل البيانات كيف مكتدير clorets و decathlon و inwi و marrakech jus  والعديد من العلامات التجارية الكبرى وكيديرو مسابقات بزااف ديال البلانات لي من خلالها تيعرفو الاوديونص ديالهم وكيطورو المنتجات ديالهم هاذشي بالنسبة لبراندينغ .... نتا خدام فب الاكوم غادي اجيب ليك ناس مخلطين غادين اشريو من عندك واحد النسبة ولكن قليلة ماشي بزااف وعلىحساب الاستراتيجية المنتجة ديالك وبزاف دلبلانات كتجيب الزوار سيت ديال كتعمر لبيكسل باش في conversion كتجيب مبيعات لي هي الجزء الثالث 😉🔥

#الجزء_الثالث  هنا المرحلة الاخيرة من التسويق والاستهداف ديالنا هنا الاخوان كان عندنا متجر الكتروني ولا صفحة ولا حتى متجر في ارض الواقع وبغيتي تجيب الناس عندك اي انك تبيع المنتجات او الخدمات ..... هاذ المرحلة خاصة بالمبيعات الناس ليكيجيب ليك فيسبوك هنا كيكونو كيشريو نقييين مكينش قوة التفلية ولا لي معندو ميداار .... ولكن باش انجح ليك هاذ البلان مزيان خاصك تكون قبل درتي خدمة نقية في المرحلة الثانية الى كان عندك ستور او شي حاجة بحال هاكا تكون عمرتي البيكسل اكون فيسبوك جمع معلومات على الجمهور ديالك اكون عرف الكليان ديالك 👌 غير كتطلق conversion كيبداو اجيو المبيعات ان شاء الله 

⚠️ غادي تسولوني ولكن اشنو ندير باش تنصحني اخويا اشنو افضل استراتيجية نتبع ‼ 

👈 باااش نكون صريح معاااك مكيناش استراتيجية ثابتة دائما كاين متغيرات على حساب المجال ديالك والنيتش ديالك واشنو كتبيع وطريقة البيع ديالك تقليدية ام رقمية الكترونية !! 

✳ نزييد نوضح ليكم الصورة أكثر بالنسبة ليك نتا كنتي خدام #براااند كيخصك التبع المراحل بثلاثة 

المرحلة الأولى تدير اعلانات تبدى تبان للناس تعرف شويا تولي مألوف الفئة ديالك كتدير دراسة للبيانات لي جمعتي لي بيها كتعرف تطلق حملة اعلانية ciblé مزيااان من بعد المرحلة الثانية traffic او engagement او messages وتجمع داتا ديالك تقراها مزيان تحللها تفهمها وعليها تبني استراتيجيات ديال البيع ديالك وتطبق هاذشي في المرحلة الثالثة 

✳ كنتي خدام #اكوم يالله بادي باغي غير تبيع وتشري وتجمع شويت الفلوس ننصحك تبدا بالمرحلة الثانية واستغلها اكبر ما يمكن بالاستهداف اي دير دراسة قبل للسوق للمنافسين للمستهلك لي غادا تنقص عليك شويت مصاريف الادس ان شاء الله ومن بعد دوز المرحلة الثالثة conversions 

⚠️ نصيحة من خلال التجربة ديالي متبداش ب conversions هي اللولة غادي تضيع غير رزقك وتحمق داك الفيسبوك هههههه مغادي اعرف شكون اجيب ليك معندو حتى شي معلومة هذاك المنادجر ديال فيسبوك كيطل على الكونت ديالك تيلقا ديك الروينة كيسد ليك الحساب تيقول هذا معندو داتا معندو بيانات مقادة كفاش غادي اجيب ليك الناس لي مهتمين بمنتجاتك وفيسبوك ماشي في الصالح ديالو اطلعو اعلانات لشخص معندو بيهم حتى علاقة وهكا كيطلعو ليه بالنسبة ليك تقدر تجيك عادية لكن في امريكا ولا اوروبا راه users experiences مهمة بالنسبة ليهم  ...