في هذا المنشور غادي نتكلمو على الجمارك المغربية

اشناهي الديوانة🤔 واش Asurence مهم 🤔 علاش كنخلصو الضريبة 🤔 شنو ندير باش توصلني الكولية بأمان او متتسرفش ؟كيفاش نحسب  ثمن الجمارك 🤔 

بما ان الموضوع غيكون شوية طويل او غادي نحاول نركز على المهمات فقط .

فمنين كتشري ولا كيصيفط ليك الصديق ديالك او خوك ولا خالتك شي منتوج ولا كتشريه من المواقع المعروفة( ebay.bangood.gerbes.tinydeal) الى اخره من المواقع المعرفة فضروري كتدوز من الديوانة او حتى السلعة لكتدخل للمغرب كيتم فحص جميع الاشياء فيها قبل مادخل للمغرب.

فالكوليات كينقاسمو لجوج انواع :

🛑 كاينة الكولية لي كتشريها بفلوسك، او كاينة الكولية لي كيصفطها ليك شخص ما اقدر اكون صديق اخ عم.......، وهاد الزوج كنخلصو عليهم الضريبة. 

او كايكونوا زوج انواع :

💥 النوع الاول : كتكلف بيه la poste لي كنسميو ببريد المغرب ، او النوع الثاني لي كتكلف بيه شركات الشحن بحال ( aramex.fedex.ups dhl) او هاد النوع لي كيتسمى بالشحن السريع او fast shiping.

او الكوليات كيتصيفطو للمدينة لي كتسمى بالنواصر .

امتا كنخلص الديوانة فالمنتوج ديالي🤔

كنخلص الديوانة فالمنتوج ديالي الا تجاوز المبلغ المسموح بيه عند الجمارك لي كيتحدد ف 1250Dh مغربية،او الكوليات مكيتخلصش  عليهم الضريبة الا كانو قل من هاد الثمن لي ذكرت الا الا كانوا بغرض تجاري 

💥 كيفاش اودي هاد غرض تجاري او كيفاش غيعيقو بيا انني غنبيع او نشري🤔 

بقا معايا متمشي فين غنشرحليك مثلا الشخص x بغا اجيب شي سلعة مثلا من Ali express شي 200 حبة او تفكر معا راسو الجمارك قال اش غندير نقسمهم كل مرة ندخل 5 فهنا اخي الكريم غتطلع الجمارك بلي كتشري ديما او غيشكوا فيك واخا ماوصلتيش للمبلغ المسموح بيه.

💥 اشناهي الاشياء لي ممكن ندخلها بلا حتي مشكل🤔

يمكن ليك تدخل اي حاجة غير متكونش هاد الحاجة تجسسية بحال الدرون لي ولا شي حاجة كتمس بسلامة الاخر بحال شي صاعق كهربائي ولا شي حاجة اخرى بحال الادوية ولا الاشياء لي كتداوي شي حاجة فغايخصك شهادة طبية مسلمة من طبيب بعد مكيدوز فالمختبر .غتقوليا غندير واحد البلان عوض نشري الدرون كاملة نشري كل مرة بياسة منها فهنا اخي من المحتمل جدا توقع فالجمارك ، ولا تقول معا راسك غنشد بيسي مفرق فلتحطي فالمصيدة غتشد او اشداك لهاد المشاكل.

💥 واش Asurence لي تيكون فبعض المواقع للشراء بحال Bangood مهم 🤔 او فاش غينفعني😊

باش تعرف اخي الكريم اختي الكريمة تحاجة مستهنش بيها واحا يكون فيها غا 10 دراهم فهو مهم او الموقع مكيفرضوش عليك بحال Asurence فبعض البنوك لانه الاجاب الله كاع مكانش العنوان صحيح ف الديوانة او البوسطة غيرجع المنتج حتى فين شريتيه بلاما تدفع اي سنت 

كيفاش نحسب ثمن الجمارك 🤔 باش متقولبش 😊

كنصحك اخي الكريم اختي الكريمة تدخل لهاد السيت https://www.findhs.codes/

 تحط ليك category للكولية لي تشدات ليك غير الاشياء للمسموح تدخلها كانت شي حاجة ممنوعة.

موقع الجمارك :

www.douane.org