تعلم كيف تصبح محترف في التسويق الالكتروني و غزو الاسواق العالمية أسرار لأول مرة

✅السلام عليكم الاخوان اليوم نحطو النقط على الحروف ونكونو صارمين واقعيين شويا ...🚨🚨📦

بحكم تجربتي في ميدان اللوجستيك بصفة عامة مند 10سنوات  ديال العمل وزيد عليها أكتر من خمس سنوات ديال العمل في ميدان livraison بوحدو حيت تفرغت ليه مند 2017 بالكامل وخدمت مع زبناء لا يعدون ولا يحصون؛ منهم من لا زالو يعملون وإلى يومنا هذا ومنهم من انتقل بتجربته إلى أفريقيا؛ ومنهم من دهب لأسيا ؛لأن المغرب من ورا كرونا كلشي تعاطى للبيع عبر الانترنت وقت كرونا بالظبط ناس لتيبيعو رتاكبو أخطاء كارتية... من بينها جودة المنتوجات وعدم استبدالها للزبائن وهدا خلق مشكل فعقلية الزبون بأن أغلب من يبعيون على الانترنت هم تينصبو  وهدا تنسمعوه صباح مساء وهنا الزبون فقد التقة بنسبة 60% مما جعل عملية التوصيل شبه معقدة وكتر الرتور وزد على دالك المنافسة الغير الشريفة للبعض . ولكن من ورا عملية البيع تتبقى المسؤولية الكبيرة على الموزع لخاصو يقنع الزبون باش ياخد المنتوج ...ولكن السؤال المطروح فراس الموزع  واش إلى ضمنت هاد الزبون فالمنتوج ولقاه خاسر غادي البائع يبدلو ؟؟ طبعا كاين البعض متيبغيش وهنا الموزع غادي يحاول يتهرب ويقول للزبون لبان ليك!! إدن الزبون يخلص الموزع ويرفض المنتوج بحكم الضمانة ؟!!! هنا خاص يكون تفاهم من الأول مع البائع 🥇🤝 وزد على دالك بعض الباعة لا يجيبون على هواتفهم او عندهم نمرة فيها غير الواتساب فقط.... لتجنب إتصالات  الزباءن وهدا ماشي احتراف وماشي طريقة باش نربيو زباءن ونخليوهم يكسبو التقة  فهاد الميدان لجاي بقوة فالاعوام القادمة .

بالرغم أنه كاين ناس خدامين بجدية وعندهم مواقع وصمعة جيدة؛ ونا تنعمل معاهم شخصيا وصورتهم نضيفة . ولكن هنا تيبقى المشكل الكبير والمعقد بالرغم من كل ما دكرته من مشاكل ... هو عملية التوصيل سواء (شركة أو موزع)  باش نفهمو مزيان ونستوعبو كتر ..

❌ أولا عملية البيع فيها ADS و  confirmation وجيب منتوج وغلفو. هنا ساليتي🔥📦 

❌ تانيا غادي تبدا مسألة التوصيل هنا الباءع غادي يبقا مشطون تيتسلم الزبون الطلبية ولكن عزيزي الباءع واش ختاريتي الموزع أو الشركة لفي المستوى المطلوب ؟

سأجيبك خاصك تختار 👇

1_ موزع عندو تجربة كبيرة في الميدان باش تضمن عملية التسليم وهو يساعد فإتمام العملية يعني يقنع الزبون   

2 _ شركة تكون شادة جهة وحدة متحكم فيها ودات صمعة طيبة باش تكون عملية التسليم سريعة لأن الزبون يقد يغير رأي ديالو أو يلقا المنافسة بأقل .

3_شركة شادة المغرب كامل دات مصداقية وإحترافية عالية وخبرة باش تكون عملية التوصيل ف48 ساعة المتفق عليها كحد أقصى رغم كل العوائق لتيخلقو الموزعين المعتمدين لدى الشركات لغادي نهضر عليهم دبا لأغلبهم تيتسبو فخساءر فادحة للشركات وللباعة فنفس الوقت .حيت عندو مطور فقط ....

هنا عزيزي الباءع خاص تفهم بأن أغلب المشاكل في عملية التوصيل سببها الموزع الحر لخدام عندو مطور فقط وخصوصا فالمدن الخارجة عن نطاق تحكم الشركة ..ولكن باش الشركة تتفادى هاد المشاكل لازم تخدم مع شركة تتحكم في جهة بشرط يكون صاحب الشركة حريفي بالرغم من قلتهم ( تحت شعار كلشي ولا تيلڤري او دار شركة بلا خبرة)  . على أساس أنه يكون كيتحكم فالموزعين ديالو وتنقص المشاكل باش نقضيو على العربازة والنصابة ..وغادي تفادى عملية النصب وغادي تكون عقود سارية المفعول من أجل المتابعة القانونية وتكون ضامن حقك وحق الزباءن لتيخدمو معاك .. 

ومن خلال تجربتي وتعاملي مع الموزعين راه عانيت الامرين كلشي عندهم روطار... ملي تسيفط ليه الكوليا حتى يڤرسي ليك يشحفك ومكاينش انضباط فالتوقيت وحتى من بعض المسيرين ديال شركات نفس الشئ مكاينش الانظباك لدا خاص التحري باش المشروع ينجح وحيت الميدان معقد وضروري من اشراك اشخاص فالعملية باش تكمل ..وهنا ملي تنسمع بعض الباعة تيتشكاو متلومهمش لأني أعرف شنو عناو وهادشي لخلاني نهضر ونصح الجميع باش يختار الموزع أو الشركة قبل يبدا المشروع ديالو باش يضمن نسبة النجاح  ...🚐🛵 ربما البعض لتيعرفني غادي يتساءل علاش مدرتيش شركة من شحال هادي.؟

الجواب : ماشي شركة لواعرة معامن تخدم مكاينش العشوائية ❌ 

أنا خدام فجهة متحكم فيها والله الدي لا رب سواه إلى بحال مخدامش في التوصيل جميع الزباءن دياولي بناتتا réclamation و verment فقط وكلشي خدام في صمت وهما راضيين 💯٪ على الخدمة بالرغم من المشاكل مع الزباءن لتنحلها شخصيا أما الموزعين المعتمدين لمعايا أرفع لهم القبعة 🎩 وأنحني لهم إكراما وإجلالا 🤝لأنهم خداو داكشي لعلمتهم بالحرف  وتيسمعو لدرجة أنني متنهضرش مع شي واحد تا تيجي فالصباح ؛وتيقول السلام عليكم وهدا فخر بالنسبة ليا وتمرة العمل الجاد ديال 15 سنة في ميدان اللوجستيك   .🎩🎩