ما هو الانترنت العميق ادخل لتتعلم الجزء الثاني جد رائع و مفيد

 

الموضوع الثاني : 

🔴 ملاحظة : هذم مواضيع للشرح ، للتعريف،  للإفادة و نبينو فيهم الحقيقة من الخرافة ، ماراناش نقولو لحتى واحد أدخل ولا جرب ، و إذا ما قريتش الموضوع كامل ما تناقشش أحسن  🌹

ذكرنا في المنشور السابق : 

🔴 Deep web  - هو مجموع  مالم يتم فهرسته و تصنيفه ليظهر عن طريق محركات البحث على شكل روابط . 

🔴 Dark Web -  هو الجزء المخفي في الديب واب أو بداية الإخفاء ، تم إخفاؤه عن عمد و غلقه امام المتصفحات العادية .و يعد الجزء الأخطر أو بداية الخطر لما يحتويه من ممنوعات أو تجاوزات و إحتيالات و إختراق فإنه لاينصح بيه لغير المتمكنين

_______________________________

موضوع اليوم:  Dark Web 🔴

ماهو الدارك ويب ؟ ⁦⁉️⁩

⏪ هو جزء من من الانترنت العميق ، غير مفهرس بشكل نهائي بواسطة محركات البحث  ، لازملو برامج تصفح خاصة (Tor ) ، روابط خاصة لكل موقع ذات النهاية onion 

⏪ يمكن لأي شخص الدخول و التصفح بدون أي خطر ، حاجة ماراح تقيسك

بشرط : أنك تشوف برك ( ما تيليشارجي ، ما تدير كونطاكت مع حتى شخص  ) .

⭕ ماهي طبيعة مواقع ال Dark web ؟ ⁦⁉️⁩

⏪المواقع في الدارك ويب تشبه لأي موقع عادي ، بصح مع بزاف إختلافات أولها بنية التسمية لي تنتهي ب onion  تابعة لنطاقات خاصة عالية المستوى تضمن خدمة مخفية و مجهولة ، تدخلها عن طريق ال Tor  .

⭕ ماهي طبيعة محتوى ال Dark web  بدون تخيلات ؟ ⁦⁉️⁩

⏪ المحتوى المتاح للعامة  غالبا ما يكون عرض لسلع و خدمات لأشخاص تقريبا مبتدئين و معظمهم محتالين ، كشراء ارقام بطاقات الفيزا ، الأموال المزيفة , برامج الإختراق ، استئجار هاكرز لإختراق معين ، اباحية ، مشاهد قتل و تعذيب ، تجارة الأسلحة و المخدرات  و العديد من الخدمات الغير قانونية و غير أخلاقية . 

⏪ بصح ميش شرط كلش غير قانوني كاين العديد من الخدمات لي تنفع ، وثائق و كتب نادرة ، دورات تعليمية مدفوعة ، نوادي الشطرنج الإحترافية . 

يعني من الناحية القانونية ، من ناحية الأمان إذا ماكش متمكن مكلاه تيليشارجي و لا تخمم تستفاد بأي حاجة لقيتها ثم  .

 

 ⭕ فحسب دراسة داروها زوج باحثين 

Daniel Moore , Thomas  Rid

 من جامعة في لندن لقاو أن  57% من المحتوى فقط غير مشروع يعني مقارنة بما يشاع عن ال Dark web  حاجة قليلة . 

كيف يتم الدخول الى Dark Web ؟⁦⁉️⁩

⏪عن طريق متصفح ال Tor 

⭕ ماهو متصفح ال Tor ؟ ⁦⁉️

⏪ اختصار ل The onion router , أسهل و أشهر الطرق للوصول الى الأنترنت المظلم  . 

⭕ كيف يعمل متصفح ال Tor ؟ ⁦⁉️⁩

⏪ يقوم Tor , بتوجيه طلبات صفحة الويب لي راك تحوس عنها من خلال سلسلة من الخوادم ( سارفر) الوكيلة لي يمشو فيها آلاف المتطوعين من كل أنحاء  العالم .

⭕ علاش الخوادم يمشو فيها ناس من مختلف دول العالم ؟ ⁦⁉️⁩

⏪ هاذم ناس مآمنين بفكرة الحرية و حرية التعبير تطوعو باه يمشو هاذ لي سارفر باه عنوان ال IP يبقى يتجدد يعني مستحيل يتبعوه .

🔴 هاذ الميكانيزم بالذات أشفاو عليه لأنو يشبه بشكل كبير ميكانيزم ربط الشبكة المظلمة ( Dark Network) 

------------------------------------------------------

⭕ ماهي قانونية ال Dark web ؟ ⁦⁉️

⏪ ليس كل شيء في ال dark web غير اخلاقي أو غير قانوني ، فشبكة ال tor  بدأت قناة اتصال مشفر و مجهول و عندها جهود كبيرة في مساعدة الناس في التواصل خاصة في الدول لي مقيدة حريات التعبير ، و البلدان لي تستعمل التعقب و التنصت 

⏪ فيه مواقع للمبلغين عن الفساد العالمي و أشهر هذ المواقع ويكيليكس الدارك ويب . 

  ⁦ ⏪ لكن تبقى خطورته بارزة خاصة الأشخاص الغير متمكنين و لا لي يستعملو الأجهزة الشخصية تاعهم راح يكونو اسهل الضحايا في حالة دارو كونطاكت مع ناس ثم ولا تيليشارجاو كاش ملف لقاوه