واحد المعلومة خفيفة ظريفة ولكن غا تفيدكم بزاف بزاف ‏🔥

- فاش كا تمشي للسوق تقدى اولا تشري الخضر والفواكه 🍎🍆  ضروري مكيبان ليكم واحد التيكي ( ملصق صغير ) فشي تفاحة ولا ليمونة شريتيها وتعجبتي مالهدف مور داك التيكي ؟ غالبا غتحيدو وتلصقو فيدك  اولا غا تلوحو فالأرض اولا غا تلصقو لخوك الصغير فجبهتو 🤣، ولكن فالحقيقة داك التيكي راه عندو معنى و الهدف منو يعطيك معلومات على المنتوج !. 📋

- هاد التيكيات كنسميوهم - PLU CODE - أغلب الlabels كيكون فيهم مجموعة ديال الأرقام اللي كتعطي فكرة على المنتوج كيفاش كبر. و اليوم نتا ولا نتي غتعرف المعنى مور كل رقم. 

- الصنف الأول : ربعة ديال الأرقام وكيبداو ب 3 ولا 4

مثال : 4005 

هاد النوع كبر بكم هائل ديال الأدوية و المخصبات الزراعية. 

- الصنف الثاني : خمسة ديال الأرقام وكيبداو ب 8 

مثال: 80689 

هاد النوع كيتصنف ضمن الخضر أو الفواكه المعدلة جينيا، مايصطلح عليه بالGMO - Genetically Modified Organisms -. واش مزيانين ولا خطيرين على الصحة ؟ الشئ هذا مزالو فالنقاش وحنا مشي هنا باش نهدرو على واش خطيرين ولا لا بحكم اننا لسنا مختصين فالمجال 

- الصنف الثالث : خمسة ديال الأرقام وكيبداو ب 9 

مثال: 90678 

هاد النوع هو اللي معروف بأننو Organic ولا كيما كنعيطو عليه حنا "BIO" مشي معدل جينيا وغالبا دون أي أسمدة ولا أدوية مشي طبيعية. طالع بطريقة تقليدية

- الصنف الرابع : مكاين لا رقم لا والو. 

هاد النوع خاصك تاخد حذرك منو حيت غالبا السبب وراء عدم إعطاء أي رقم هو أنو المنتوج كبر بشي حاجة للي صحاب الشركة مباغيينكش تعرفها

إلى عجبك الموضوع ماتنساش تبارطجيه مع صحابك 🙏❤️