✅ إيلا عندك فرن كهربائي (Micro-ondes) فالدار و طليتي على الباب ديالو أتلقا واحد الشبكة لاصقة مع الباب و كتكون لاصقة حتا فالجناب و التحت و الفوق من الداخل ديال الفرن الكهربائي.
✅ هاديك الشبكة ماشي للزواق ولا شي حاجة، كون مكانتش غادي وجهك يتصلق و يطيب بحال كيفما كتطيب الماكلة فالداخل ديالو و تقدر حتا تشعل العافية فالأماكن المجاورة ليه، و دك الجدار الشبكي فيه ثقوب صغيرة بزاف أصغر من الغلض ديال الموجات ديال دك الفرن الكهربائي، باش ميهربوش دوك الموجات نحو الخارج و يوقعو لك أضرار خايبة، و بالفضل ديال دك الجدار الشبكي كيبقاو الموجات فالداخل ديال الفرن الكهربائي.
✅ بالنسبة للضوء لي كيكون الداخل ديال الفرن علاش كنشوفوه و كين أصلا الجدار الشبكي؟ حيث بكل بساطة الغلض ديال الموجات الضوئية صغير بزاااف على دوك الثقوب فالجدار الشبكي، هدشي علاش الضوء كيخرج و كتقدر تشوفو.
😂❤️ يالاه عجباتك المعلومة ؟ بارطاجيها على الجهد 🔥
⭐ #صفحة_بالدارجة_knowledge ⭐
Aucun commentaire:
Enregistrer un commentaire